Pasditen e së hënës Edi Rama zyrtarizoi ndryshimet në qeveri. Po atë ditë, kryeministri deklaroi se të nesërmen, që ishte e martë, do i çonte dekretet e shkarkimit dhe të emërimit në Presidencë. Por deri mëngjesin e sotëm nuk ka ndodhur një gjë e tillë.
Nga ana e institucionit të Kryeministrisë nuk ka një njoftim zyrtar lidhur me arsyet se pse nuk janë dërguar ende emrat e ministrave të rinj pas ndryshimeve në qeveri. Në Asamblenë e PS-së, Rama njoftoi 7 ndryshime në kabinetin e tij qeveritar.
Sot Presidenti Begaj nisi një vizitë tre ditore në Kazakistan. Kështu që firmosja mbetet kur të kthehet dhe rrjedhimisht do të ketë një seacën të posaçme në parlament për t’i votuar.
Të gjithë mund të presin, veç ministrit të Jashtëm i cili në 14 Shtator duhet të drejtojë në OKB seancën në Këshillin e Sigurimit, pasi Presidencën e ka Shqipëria. Në vendin e Olta Xhaçkës do të jetë diplomati Igli Hasani.
