Kryetari i Partisë së Lirisë, Ilir Meta vlerësoi takimin e djeshëm të 43 deputetëve të opozitës. Ai tha se të gjithë deputetët e opozitës duhet të jenë bashkë përballë qeverisë.
“63 deputetët e opozitës duhet të ndalojnë çdo lloj komunikimi me këtë regjim, që ka përçarë, blerë segmente të caktuara të opozitës. Për mua rëndësi ka unifikimi i opozitës dhe dhënia fund e cdo komunikimi me regjimin” tha ai.
A do i bashkohet partia e tij tryezës? “Besoj se deputetët e PL kanë qenë gjithnjë në vijën e parë të ballafaqimit me regjimit në parlament edhe kudo” tha Meta.
Për Ilir Metën është e qartë kush është kryetar i grupit të PD-së. “Në demokraci është vota, shumica, të cilat që tregojnë gjithmonë legjitimitetin kur ka një diskutim, besoj se kjo është e qartë” tha ai, duke nënkuptuar se kryetari për të është Gazment Bardhi.
Një koment e kishte edhe për ndryshimet në qeveri. “Hiq Lenën dhe vendos Prenën, gjithmonë e më rëndë do të shkojë kjo qeverisje që bazohet na arrogancë dhe korrupsion” deklaroi ai.
