Ditën e sotme është njoftuar se ka patur një takim mes ministrit të mbrojtjes së Kosovës, Ejup Maqedonci dhe ambasadorit të Italisë, Antonello De Riu.
Ministria e Mbrojtjes se Kosovës bën me dije se implementimi i planit bilateral, thellimi i bashkëpunimit në zhvillimin e trajnimeve të përbashkëta, shkollimi i kuadrove të reja të ushtarakëve, ishin disa nga pikat kryesore të diskutimit.
“Si dy shtete që përqafojmë të njëjtat vlera demokratike me synim ruajtjen e paqes dhe stabilitetit, do të vazhdojmë bashkëpunimin e shkëlqyer mes nesh,” tha Maqedonci.
Nga ana e tij, ambasadori De Riu theksoi se Italia mbetet e përkushtuar në ofrimin e përkrahjes për ngritjen e kapaciteteve luftarake të FSK-së.
