Foto ilustruese
Policia e Tiranës ka kryer një operacion antidrogë duke arrestuar 8 persona dhe shpallur në kërkim një tjetër te zona e “Kodrës së Diellit” në kryeqytet.
Grupi ishte kthyer në një shqetësim të madh edhe për banorët e zonës, ndërsa mes të arrestuarve është edhe një çift bashkëshortësh, ku burri dyshohet se është “koka” e grupit.
Të arrestuarit janë Herald Rexhepaj, Viola Bendaj, Arolf Harizi, Arlind Aga, Xhersildo Arifllari, Dashamir Shehu, Indrit Gjoshi dhe Devis Saliaj.
Banda komunikonte me kode të tilla për shpërndarjen e drogës “më sill picën. Shko merr fantat…” duke nënkuptuar dozat e kokainës dhe kanabisit që shpërndante pranë lokaleve të natës për të rinjtë në Tiranë.
Brenda “çerdhes” që furnizonte të rinjtë me kokainë në Tiranë
Në cilësinë e provës materiale, gjatë zhvillimit të gjithë operacionit janë sekuestruar 650 doza cannabis sativa, 150 doza lënde narkotike kokainë, 1 kg lëndë e dyshuar narkotike cannabis sativa, qindra qese farmaceutike që shërbejnë për paketimin e lëndëve narkotike, dy peshore elektronike, dhe 5 aparate celulare.
Shkatërrohet banda e drogës në Tiranë, mes 9 të arrestuarve edhe krerët
