“Dancing with the Stars”, është programi televiziv që do startojë së shpejti, dhe shumë janë kuriozë se cilët do jenë konkurrentët.
Një prej më të përfolurave ka qenë edhe Efi Dhedhes, ish-banorja e “Big Brother Vip Albania”. Kjo e fundit iu është përgjigjur kësaj pyetjeje publikisht.
Në një bisedë virtuale që ka patur me ndjekësit e saj, Efi ka përzgjedhur t’ju përgjigjet disa pyetjeve të ardhura nga fansat e saj dhe njëra prej tyre ka qenë nëse do të ishte pjesë e “Dancig with the Stars”.
“A do të shohim konkurrente diku?“, pyetje të cilën ndjekësi e ka shoqëruar me një fustan të kuq duke kërcyer, që qartazi i referohet “Dancing with the Stars”.
“E kam mbyllur me konkurrimet“, i është përgjigjur Efi, duke lënë kështu të nënkuptohet se ajo nuk do të jetë pjesë e edicionit të dytë të “Dancing”.
