Në Cagliari katër të rinj (dy djem dhe dy vajza) humbën jetën dhe dy u plagosën rëndë në një aksident rrugor që ndodhi pak pas orës 5 të mëngjesit. Mediat italiane kanë publikuar fotot dhe emrat e të rinjve.
Viktimat janë Najibe Zaher 19 vjeç, Alessandro Sanna 19 vjeç, Simone Picci 20 vjeç dhe Giorgia Banchero 24 vjeç. Dy bashkëmoshatarë Alessandro Sainas dhe Manuel Incostante, të dy 19 vjeç, u transportuan në spital.
Makina e tyre teksa po ktheheshin nga festa humbi kontrollin dhe u përplas me bordurat anësore të rrugës. Të rinjtë që u përfshinë në aksidentin e tmerrshëm kishin qenë në një klub nate dhe po ktheheshin në shtëpi.
“Dëgjova dy goditje shumë të forta dhe, kur dola jashtë, pashë trupat në asfalt”, tha një nga dëshmitarët e aksidentit të tmerrshëm. Ndër shkaqet e humbjes së kontrollit të Ford Fiestes dyshohet se ishte shpejtësia, shkruna TGCom.
Festa u kthye në tragjedi/ Si vdiqën katër të rinjtë rrugës për në shtëpi?
