Kryeministri i Kosovës, Albin Kurti, dhe presidenti i Serbisë, Aleksandar Vuçiç, do të takohen në Bruksel të enjten më 14 shtator.
Takimi do realizohet me ndërmjetësimin e përfaqësuesit të Bashkimit Evropian, Josep Borrell dhe të dërguarit të BE-së për dialogun Kosovë-Serbi, Miroslav Lajçak.
Takimi trepalësh do të mbahet pas takimeve që Borrell e Lajçak do të kenë veçmas me liderët e dy shteteve. Në komunikatë bëhet e ditur se takimet do të nisin në orën 9:00.
“Takimi do të jetë i fokusuar në zbatimin e Marrëveshjes për rrugën drejt normalizimit, si dhe çështjet aktuale,” thuhet në njoftimi e BE. Pas takimeve mësohet se do të ketë deklaratë për media nga Borrelli.
