Lionel Messi është duke e shijuar eksperiencën amerikane në Miami, ku është bërë lider dhe pikë kyçe e skuadrës.
I nominuar në mesin e 30 kandidatëve për Topin e Artë 2023, sulmuesi argjentinas ia ka bërë një dhuratë vetes.
Sipas mediave amerikane, kampioni i botës e ka blerë një vilë luksoze me një vlerë prej 100 milionë dollarësh, apo 93,3 milionë euro.
Bëhet fjalë për një pronë të vendosur në Florida, shkruan mediumi “The Real Deal”,
Një rezidencë ëndrrash, e vendosur përballë lumit dhe me hapësirë 1600 metra katrorë me pishinën e saj të brendshme, palestrën, qendrën spa dhe një suitë të jashtëzakonshme prej 150 metrash katrorë.
Edhe pozicioni është ideal: vila është vendosur vetëm 8 kilometra larg stadiumit të Inter Miamit në Fort Lauderdale dhe afër qendrës stërvitore.
