Përfaqësuesi i Lartë i BE, Josep Borrell, me anë të një postimi në platformën “X” ka njoftuar për nisjen e takimeve dypalëshe dhe trepalëshe me presidentin e Serbisë, Aleksandër Vuçiç dhe me kryeministrin e Kosovës, Albin Kurtin në Bruksel ditën e sotme.
Borrell thotë se është koha që të fillohet seriozisht zbatimi i marrëveshjes së arritur në Bruksel e Ohër dhe shtoi se sot do të shihet nëse palët janë gati të marrin përgjegjësinë.
“Jam duke pritur Presidentin Vuçiç dhe Kryeministrin Kurti për një takim të nivelit të lartë të dialogut në Bruksel. Është koha për të filluar zbatimin seriozisht të marrëveshjes në rrugën e normalizimit. Sot do të shohim nëse janë gati të marrin përgjegjësi,” ka shkruar Borrell.
Që nga ora 09:00 e paradites së sotme kanë nisur takimet në Bruksel, ndërsa aktualisht është duke u mbajtur takimi trepalësh mes Kurtit dhe Vuçiç me ndërmjetësimin e delegatëve të BE.
I am hosting President @predsednikrs Vučić and Prime Minister @albinkurti for a High-Level Meeting of the Dialogue in Brussels.
It is time to start implementing the Agreement on the path to Normalisation in earnest. Today, we will see if they are ready to take responsibility. pic.twitter.com/q8ws2Pqtye
— Josep Borrell Fontelles (@JosepBorrellF) September 14, 2023
