Numri i të vdekurve në Derna e shkatërruar nga përmbytjet mund të arrijë në 20,000, sipas kryebashkiakut. Abdnulmenam Al Ghaiti tha se këto vlerësime bazohen në numrin e rretheve në qytet që “u zhdukën” nga stuhia që përmbyti Derna.
Më shumë se 5,300 njerëz kanë vdekur dhe të paktën 10,000 janë të zhdukur. Ndërsa mijëra janë të zhvendosur.
Autoritetet lokale dhe shërbimet e urgjencës në Libinë lindore i bënë thirrje komunitetit ndërkombëtar për ndihmë, duke paralajmëruar se vendi nuk ka infrastrukturën e nevojshme për t’u përballur me një fatkeqësi të kësaj shkalle.
Kryebashkiaku i Derna tha se ekipet e shpëtimit nga Egjipti, Tunizia, Emiratet e Bashkuara Arabe, Turqia dhe Katari kanë mbërritur në zonë.
The city of Derna in eastern Libya has been declared a disaster zone after Medicane Daniel caused catastrophic flash flooding across the area overnight. Many residential buildings have been destroyed along the riverbanks. I fear we might be facing a mass casualty event. pic.twitter.com/QoVp8vzjpp
— Nahel Belgherze (@WxNB_) September 11, 2023
Presidenti i Egjiptit Abdel Fattah al-Sisi urdhëroi ngritjen e kampeve në kufirin perëndimor të vendit për të strehuar të mbijetuarit nga përmbytjet shkatërruese në Libinë fqinje.
