Në Gjykatën e Posaçme zhvillohet këtë të enjte seanca e parë ndaj Fredi Belerit. Kryebashkiaku i zgjedhur i Himarës pritet që të jetë i pranishëm në seancë.
Prokuroria e Posaçme Kundër Korrupsionit dhe Krimit të Organizuar (SPAK) e akuzon Belerin për korrupsion zgjedhor.
Beleri ndodhet në paraburgim që nga data 12 Maj, dy ditë para zgjedhjeve lokale i arrestuar me akuzën e blerjes së votave tek i infiltruari i policisë.
Pritet që seancën e parë gjyqësore ndaj Belerit ta monitorojë edhe një delegacion nga Dhoma e Avokatëve të Athinës.
