Ish-opinionistja e “Big Brother VIP”, Zhaklin Lekatari zbuloi pak javë më parë se është në një lidhje dashurie.
Ajo u shpreh se ndihet e lumtur dhe se pushimet po i kalonte asokohe me njeriun e zemrës, por pa zbuluar identitetin e tij.
Zhaklin tregoi se ka gjetur një person që koordinohet mirë me të dhe gërshetohet me mendimet e saj.
“Jam e lumtur që jam në një marrëdhënie. Kam dashur një marrëdhënie, por jo dikë që do të ma vështirësonte jetën, do ma bënte më të shëmtuar, edhe më të vështirë duke më vendosur kufij. Mendoj se kam gjetur një person që koordinohet mirë me mua dhe gërshetohet me ato mendimet e mia. Deri tani gjithçka është në rregull,” tha Lekatari.
E duket se tani po mendon të martohet. Kështu na ka bërë Ronaldo Sharka i pyetur nga ndjekësit e tij në Instagram:
“Ka zëra se është martuar Zhaklina, di gjë si mik i saj?”
Ronaldo është përgjigjur duke shkruar se Zhaku martohet në nëntor të këtij viti edhe pse nuk dihet nëse përgjigja e tij është një e vërtetë apo shaka.
