Një burrë i dha fund jetës dje në Ballsh në mënyrë të trishtë. Petrit Jaupaj, mësues i lëndës së Biokimisë, piu fotoksinë pranë varrit të gruas së tij e cila ishte ndarë nga jeta rreth një vit më parë. Nuk e duroi dot më mungesën e saj. Vdekja e gruas e tronditi thellë shpirtin e mësuesit, i cili i dedikonte vazhdimisht vargje.
“7 Marsi i parë pa ty Tasha. Nuk ishe në shtëpi të bëheshe gati si më parë. Tani kjo festë nuk do të jetë më si 39 vitet e shkuara kur ne festonim dhe uronim njëri-tjetrin.
Po 8-Marsi Tasha. Do jetë hera e parë që vajzat tona nuk do të urojnë… Sa dhimbje na ka shkaktuar ikja jote. Por ti do jesh si flutur në zemrat tona!” shkruante ai në një nga postimet në rrjetet sociale. La pas dy vajza.
Himni i dashurisë së tyre duket si një dritë në fund të tunelit dhe mes jetës së vrullshme dhe falsitetit të kësaj kohe që po jetojmë. Nuk ka vetëm burra që rrahin apo vrasin gratë, por edhe që vdesin mbi varrin e gruas duke mos e duruar dot mungesën e saj.
U vetëvra te varri i gruas, 63-vjeçari i tronditur nga humbja e saj: Do jetë hera e parë që…
