Si çdo nisje jave, Partia Socialiste ka mbledhur grupin parlamentar. Në krye të grupit tani është Bledi Çuçi. Diskutimet kanë qenë të shumta. Janë “hedhur” në tryezë disa shqetësime dhe probleme që vijnë nga baza.
Por edhe në mbledhje nuk është marrë asnjë vendim për përjashtimin e Arben Ahmetajt nga grupi i PS-së. I shpallur në kërkim prej muajit korrik, PS nuk është distancuar zyrtarisht me vendime për Ahmetajn duke mos e pezulluar apo përjashtuar nga grupi sikur bëri me Saimir Tahirin apo të tjerët.
