Gjykata Ndërkombëtare Penale (ICC) është sulmuar nga hakerat kibernetik.
Lajm e ka konfirmuar Gjykata e Hagës, e cila njoftoi sot se sistemi i saj kompjuterik ishte hakuar dhe se kishte zbuluar një aktivitet të pazakontë në rrjetin e saj kompjuterik në fund të javës së kaluar.
Zëdhënësi i këtij institucioni nuk pranoi të flasë se sa serioz ishte sulmi, nëse është zgjidhur plotësisht apo për personat që qëndrojnë pas tij, por mësohet se hetimet vazhdojnë.
