Shqipëria mori një fitore të vështirë, por shumë të bukur dhe emocionuese përballë Polonisë pak ditë më parë.
Asani dhe Daku ishin heronjtë kuqezi me golat e shënuar. I pari i Jasir Asanit ishte i jashtëzakonshëm. Duke folur për Panorama sport ai ka treguar emocionet që përjetoi familja.
“Nuk munda t’i takoj, por fola në telefon. Babai kishte qarë shumë. Ishte emocionuar pa masë dhe kishte qarë edhe në stadium shumë. Jam i lumtur për ata, për vete dhe për Shqipërinë.
Kemi tifozë të jashtëzakonshëm dhe shpresoj që t’ua shpërblej gjithnjë me paraqitje sa më të mira. Unë do të jap gjithçka në fushë” tha ai.
