Policia spanjolle dhe EUROPOL kanë goditur një organizatë kriminale që trafikonte sasi të mëdha droge dhe pastronte para. Organizata dyshohet se drejtohej nga shqiptarë. Gjatë operacioni janë arrestuar 27 persona dhe u sekuestruan sasi të mëdha parash dhe bizhuterish.
Gjatë hetimit, agjentët zbuluan se kinezët dërgonin në bizneset e shqiptarëve shuma të mëdha parash për të pastruar. Hetuesit kanë mundur të zbulojnë se në krye të strukturës kriminale ndodheshin dy shqiptarë, njëri që vepronte si drejtues dhe tjetri si kontabilist.
Gjatë periudhës së hetuar maj 2020 mars 2021, dërgesa të vazhdueshme dhe të shumta cash u janë bërë organizatave kriminale shqiptare, në një vlerë totale prej gati 65.5 milionë euro.
