Një aksident është regjistruar në Himarë gjatë ndjekjes nga policia të një 40-vjeçari i cili
u kap me ekstazi dhe kanabis.
Gjatë ndjekjes nga Policia ai kryer manovra me automjetin që drejtonte ku më pas rezultoi që ishte në gjendje të dehur.
Pas aksidentit u vu në pranga 40-vjeçari me inicialet A. A. për veprat penale “Prodhimi dhe shitja e narkotikëve” dhe “Drejtimi i automjeteve në mënyrë të parregullt” si dhe 50-vjeçari me inicialet A. M. për veprën penale “Prodhimi dhe shitja e narkotikëve”.
Nga veprimet hetimore dyshohet se 50-vjeçari i siguronte drogën 40-vjeçarit. Pas kontrolleve në banesën e 50-vjeçarit u gjet një sasi tjetër lënde të dyshuar narkotike kanabis të ndarë në doza.
Sasitë e lëndëve narkotike u sekuestruan në cilësinë e provës materiale, bashkë me automjetin e shtetasit A. A. dhe 2 aparate celulare.
