Pesë persona janë shpallur në kërkim për vrasjen e 33-vjeçarit Valter Fierza mbrëmjen e djeshme në fshatin Hot i Ri në Shkodër. Klodian Mhilli, dyshohet se është autori i vrasjes.
Në kërkim janë shpallur edhe Aleksandër, Paulo e Luçiano Mhilli dhe Enton Dushaj. Ngjarja ka ndodhur rreth orës 21:48, në fshatin Hot i Ri.
Sipas policisë vrasja ka ndodhur për shkak të një konflikti të çastit jashtë një lokali në fshatin Hot i Ri, me vëllanë e 33-vjeçarit, që u vra.
Pas konfliktit, drejt vendit të ngjarjes është afruar me automjet viktima. Sapo ka parë automjetin, Klodian Mhilli dyshohet se ka qëlluar disa herë, me armë zjarri kallashnikov, në drejtim të 33-vjeçarit, i cili për pasojë, mbeti i vrarë.
Gjenden dhe sekuestrohen një armë zjarri pistoletë që dyshohet se e posedonte 24-vjeçari që qëlloi dhe 3 gëzhoja që u gjetën në vendngjarje.
“U zunë në lokal…”! Kronologjia, vjen njoftimi i policisë, si u vra i riu në prag të shtëpisë?
