Mediat greke kanë zbardhur detaje të reja nga ngjarja e rëndë që ndodhi në Volos të Greqisë, ku një 22-vjeçare shqiptare u dhunua dhe u tentua që të vritet nga burri, që është 28-vjeçari Aurel Kurti nga Korça. Çifti ka një fëmijë të mitur. “Gruaja dhe fëmija i saj që jetoi abuzimin që nga barku i nënës së tij, jetonin brenda një shtëpie të mbyllur” shkruan “Zougla”.
“Me të mbërritur nga Shqipëria në Volos, bashkëshorti e ka ndaluar 22-vjeçaren të ketë çdo kontakt me botën e jashtme. E ka rrahur rëndë kur u bë e ditur gjinia e fëmijës pasi nuk donte vajzë dhe rrahjet ishin përditshmëria e 22-vjeçares.
Kur lindi fëmija, ata jetuan për pesë muaj me qepena të mbyllura. Nëna dhe foshnja nuk e panë dritën e diellit. Vetëm në oborr u lejuan të dilnin pas pesë muajsh.
Dhuna ishte e përditshme dhe nëna nuk lejohej as të vizitonte mjekun për vaksinat e fëmijës dhe as të thërriste një mjek në shtëpi” vijon më tej shkrimi i medias greke.
Mbrëmjen e djeshme dhe teksa gruaja bërtiste, fqinjët dolën jashtë shtëpisë dhe trokitën në derë ndërsa thirrën policinë. 28-vjeçari hapi derën e pasme për të shpëtuar por fqinjët e ndaluan duke e dorëzuar tek policia.
Nëna e gjakosur dhe me shenja mbytjeje mori në krahë fëmijën dhe u dërguan në spital. “Më ka dhunuar keq, kam qenë shumë herë afër vdekjes.
Ai më kërcënoi se nëse ikja në Shqipëri do të vinte dhe do të vriste prindërit e mi”, tha ajo në dëshminë e saj dhe e cilësoi burrin e saj si një njeri që ndiqte rregullat e mafies.
FOTO/ Ky është 28-vjeçari që “burgosi” gruan dhe u nis ta mbyste!
