Zbardhen detaje të reja nga arrestimi i efektivit të policisë, Gledis Llushi në Durrës. ai lejoi një person në kërkim që të kalojë lirisht nga porti duke u arratisur.
Elidon Çela është personi që oficeri i policisë në Portin e Durrësit Gledis Lushi e lejoi të kalonte kufirin, ndonëse ishte shpallur në kërkim.
Elidon Çela ishte kapur me 522 mijë euro të padeklaruara në dhjetor 2022. Pas arrestimit, për të gjykatat e kishin lënë me masë më të butë, por në 14 shtator Gjykata e Lartë riktheu atë në arrest në burg dhe u shpall në kërkim.
Ai rezulton të ketë kaluar në Portin e Durrësit më 17 shtator dhe është lejuar nga polici Gledis Llushi të kaloj në mënyrë të kundraligjshme. Megjithatë, Çela ka rënë në prangat e policisë këto ditë pasi është rikthyer sërish në Shqipëri, po përmes Durrësit.
