Pas ngjarjes së rëndë të regjistruar në orët e para të mëngjesit në veri të Kosovës ku mbeti i vdekur polici, Afrim Bunjaku ka ardhur edhe reagimi i parë nga familjarët.
Për mes një postimi në Facebook Arton Bunjaku shkroi se ditën e sotme morën një lajm të hidhur për familjen Bunjaku nga Samadrexha e Vushtrrisë.
Në reagim familjari shkruan se të vdesësh për atdheun është sikur të rilindësh.
“Familjari jonë AFRIM BUNJAKU , rreshter në policinë e Kosovës është vrarë derisa ndodhej në detyrë, në veriun e Kosovës, në mbrojtje të integritetit territorial dhe sovranitetit të venditit gjë të cilën e bëri me nder e krenari deri në frymën e fundit”, thuhet në reagim.
Reagimi i plotë:
TË VDESËSH PËR ATDHE ËSHTË SIKUR TË RILINDËSH PËRSËRI.
Të nderuar miq, të dashur familjarë,
Sot, në orët e hershme të mëngjesit erdhi një lajm i kobshëm për familjen tonë Bunjaku nga Samdrexha e Vushtrrisë.
Familjari jonë AFRIM BUNJAKU , rreshter në policinë e Kosovës është vrarë derisa ndodhej në detyrë, në veriun e Kosovës, në mbrojtje të integritetit territorial dhe sovranitetit të venditit gjë të cilën e bëri me nder e krenari deri në frymën e fundit.
E pikëlluar familja Bunjaku nga Samadrexha e Vushtrrisë.
