Një 19-vjeçar me inicialet B. M., ka rënë në prangat e policisë së Tiranës, pasi akuzohet për shfrytëzim prostitucioni.
Gjithashtu u procedua penalisht në gjendje të lirë 22-vjeçarja me inicialet E. A., për veprën penale “Prostitucioni”.
19-vjeçari dyshohet se ka shfrytëzuar për prostitucion, kundër përfitimeve monetare, vajza të moshave 18-25 vjeçe, dhe ky aktivitet i paligjshëm kryhej në hotele dhe hostele të ndryshme të Tiranës.
I riu nëpërmjet rrjeteve sociale gjente klientë të ndryshëm, të cilët më pas i orientonte në vende të caktuara për tu takuar me vajzat që shfrytëzonte për prostitucion.
Materialet i kaluan Prokurorisë pranë Gjykatës së Tiranës, për veprime të mëtejshme procedurale.
