Kryeministri i Kosovës, Albin Kurti prë mes një postimi në Twitter ka reaguar sërish në lidhje me për vrasjen policit, Afrim Bunjaku në veri të Mitrovicës.
Në reagim Kurti ka bërë të ditur se të shtënat në Veri po vazhdojnë kundër policisë.
“Një polic ka mbetur i vrarë sot në krye të detyrës ndërsa një tjetër ka mbetur i plagosur, në komunën veriore të Zveçanit. Të shtënat me armë kundër policisë janë në vazhdim. Kjo është arsyeja pse ne kemi bërë thirrje që Serbia të ndalojë sponsorizimin e sulmeve terroriste në veri”, ka shkruar Kurti në Twitter.
“Ndërsa vajtojmë për humbjen e oficerit tonë të rënë, ne riafirmojmë angazhimin tonë për të ruajtur sundimin e ligjit dhe sigurinë në të gjithë territorin tonë. Sponsorizimi i dhunës dhe terrorizmit nga Serbia është një shkelje e rëndë si e sigurisë sonë kombëtare, ashtu edhe e ligjit, parimeve dhe vlerave ndërkombëtare”, ka vazhduar Kurti.
Institucionet e Kosovës e kanë cilësuar sulmin ndaj policisë si akt terrorist.
A 🇽🇰 policeman has been killed today in the line of duty while another has been injured, in the northern municipality of Zveçan. The gunfire against the police is ongoing. This is the reason why we have been calling for Serbia to stop sponsoring terrorist attacks in the north.
— Albin Kurti (@albinkurti) September 24, 2023