Avokati i serbit të arrestuar i cili dyshohet se ka qenë pjesë e sulmit të regjistruar dy ditë më parë në veri ka dalë në deklaratë për media pas caktimit 30 ditë në paraburgim.
Avokati, Dejan Vasiç u shpreh se ndaj klientit të tij, Dusan Maksimoviç iu caktua masa e paraburgimit prej 30 ditësh vendim për të cilin do të dërgojë një ankesë.
“Dushan Maksimoviçit sot i është shqiptuar paraburgimi prej 30 ditësh.
Ne do të parashtrojmë ankesë ndaj këtij vendimi, pasi që gjykatës i janë prezantuar disa dëshmi të cilat ne vlerësojmë se nuk janë relevante dhe se bëhet fjalë për diçka që mund të jetë më shumë keqkuptim, se sa diçka që mund të përbëjë vepër penale.
Në këtë kuptim nesër do të paraqes ankesë dhe do ta shohim se si Gjykata e Apelit do ta shqyrtojë ankesën tonë”, u shpreh avokati.
Në tej avokati shtoi se Maksimoviç nuk ka qenë në gjendje të jap deklaratë pasi ai është i mërzitur për shkak të ngjarjes që ka ndodhur.
