Pas vrasjes në Rrëshen një tjetër ngjarje kriminale është shënuar në jug. Një 33-vjeçar është paraqitur me plagë thike në Spitalin Rajonal të Vlorës.
Olsen Refati është plagosur gjatë një konflikti me dy persona të tjerë. Ngjarja ka ndodhur në lagjen “Partizani” ndërsa në polici janë shoqëruar dy autorët e dyshuar, vëllezërit L. M., 25 vjeç dhe G. M., 25 vjeç .
33-vjeçari Refati dyshohet se është goditur me grushte nga dy vëllezërit 25-vjeçarë dhe më pas e kanë goditur me thikë.
I plagosuri ndodhet në spital, jashtë rrezikut për jetën.
