Për katër vitet e fundit Dua Lipa ka qenë një ambasadore globale për “YSL Beauty” dhe imazh i “Libre”.
“Me çdo fushatë të re vijnë xhirime të reja që na kanë çuar në disa vende të jashtëzakonshme dhe ne ia kemi kaluar shumë bukur në këto grupe,” thotë ajo për ELLE.com.
Më poshtë, Dua ka dhënë disa përgjigje për Elle, ku preket edhe çështja e standarteve të bukurisë në Kosovë.
Cili është një nga rregullat tuaja për bukurinë?
E përfundova turneun tim botëror në fund të vitit të kaluar, kështu që gjatë kësaj kohe më të qetë kam dashur të kem një fytyrë të freskët, pa makeup, sa herë që është e mundur. Është gjithmonë mirë t’i jepni lëkurës tuaj pushim.
Jeni rritur në Kosovë – a ka ndonjë tendencë bukurie specifike aty që e keni mbajtur me vete deri më sot?
Nuk do të thosha domosdoshmërish se ekziston një trend bukurie, por gjëja që më duket më fuqizuese tek gratë kosovare është vetëbesimi i tyre.
Ke hapur një klub librash. Si u ushqye dashuria juaj për leximin?
Gjithmonë e kam parë leximin si një mënyrë për të kuptuar më tej lidhjen dhe marrëdhëniet njerëzore, dhe arratisja që ofron leximi shërben vërtet si forma e vet e mirëqenies. Kur orari im është i ngarkuar, e di se nëse arrij të marr një libër, mund të gjej një ndjenjë qetësie për një kohë.
Libre do të thotë i lirë – çfarë do të thotë liria për ju?
Liria për mua është forca për të përballuar sfida të reja dhe të qenit i hapur ndaj përvojave të reja duke qëndruar besnik ndaj asaj që jeni në thelbin tuaj.
