Drejtori i Policisë së Shtetit, Muhamet Rrumbullaku në një deklaratë për mediat njoftoi se janë zbardhur gjashtë vrasje në Shqipëri, dy në Greqi, pesë raste të vendosjes së tritolit, tre vjedhje, tre raste të sigurimit të kushteve për vrasje dhe një kanosje efektivi policie.
Të gjitha janë zbuluar falë bashkëpunimit të Artan Tafanit me drejtësinë duke treguar se pas tyre qëndron Laert Haxhiu. Por si i ka shpëtuar drejtësisë? A kishte ai njerëz bashkëpunëtorë brenda drejtësisë?
“Jo në cdo rast mund të mendoni që kur një operacion policor që marrin strukturat mund të mos rezultojnë të suksesshme dhe të themi se ka bashkëpunim nga brenda policisë. Operacionet për kapjen e Haxhiut, nuk kemi pasur dekonspirime dhe lidhje kriminale që duhet të akuzojmë strukturat policore” tha Rrumbullaku.
