Mediat italiane zbardhin detaje të reja për vrasjen e 35-vjeçares shqiptare Klodiana Vefa nga burri, Alfred Vefa në një provincë të Firences.
Nëna e dy fëmijëve në proces divorci me burrin punonte si kamariere në një piceri dhe ishte integruar në komunitetin e Castelfiorentino-s. Njëri prej dy fëmijëve të viktimës u tha hetuesve se mes dy prindërve në të kaluarën kishte pasur debate.
“Klodiana ishte punëtore, një grua e mrekullueshme. Burri ishte jo i mirë. Një njeri i dhunshëm. Të gjithë e dinim” tha një mike e viktimës. “Ai ushtronte dhunë të fortë psikologjike. Ajo ishte gjithmonë e gëzuar dhe e qeshur, por ndryshonte plotësisht kur ishte me të.
Ai njeri ishte vërtet i frikshëm. Por ajo kurrë nuk e kishte raportuar atë, ajo gjithmonë përpiqej ta bënte për vete. Zgjati shumë” tha një mik i Klodianës.
“Ai (burri) do të përpiqet të arratiset, ndoshta do të kthehet në Shqipëri” tha një tjetër shoqe e shqiptares. Më pas mendimet kthehen tek fëmijët e çiftit: “Ata fëmijë mbetën vetëm… Si do ta mbijetojnë këtë traumë?”. Dhimbja është e madhe.
“Në zemrën time je vetëm ti amore”! Mesazhet e burrit xheloz që vrau gruan (FOTO)
