Mbrëmjen e djeshme gjatë ndeshjes së Granadës dhe Betis Myrto Uzuni u dëmtua në minutën e 38-të teksa doli nga fusha duke çaluar.
Lajmi i frikësoj të gjithë pasi Shqipërinë e pret një ndeshje e rëndësishme kundër Çekisë në kuadër të kualifikueseve të “Euro 2024” dhe një lojtar në pak do të hapte telashe për trajnerin, Sylvinho.
Por lajmi i mirë është se dëmtimi i Myrto Uzunit nuk është serioz. Pas ndeshjes trajneri i Granadës, Paco Lopez u shpreh se Uzuni prej disa javësh ka sakrifikuar për skuadrën duke luajtur me injeksione.
“SuperSport” ka mësuar nga burime të afërta me lojtarin se nuk bëhet fjalë për një dëmtim serioz.
Testet pas sfidës kanë konfirmuar se gjendja e tij është e qëndrueshme dhe zëvendësimi erdhi për të shmangur rrezikun e një dëmtimi më serioz.
