Të martën e kaluar dy rekurse të reja nga Fredi Beleri u hodhën poshtë nga drejtësia shqiptare. Tashmë pritet shpallja e datës së fillimit të gjykimit në themel të çështjes, akuza ndaj tij për blerje të votave.
“Morali i babait tim është shumë i mirë. Ai është i durueshëm dhe i vendosur për ta çuar çështjen deri në fund”, thotë Petro Beleri për mediat greke.
“Do të ishte e dhimbshme për vetë drejtësinë në Shqipëri për sistemin e saj gjyqësor që duhet reformuar, do të ishte e dhimbshme edhe për minoritetin grek që jeton në Shqipëri nëse do të bëhej një gjyq politik në vitin 2023”.
Ai sqaron se “hapi i radhës është ankimi ynë në Gjykatën Kushtetuese, që është niveli më i lartë i drejtësisë shqiptare, për masat e paraburgimit”.
Më tej, djali i Belerit flet për frikë dhe zemërim në Himarë. “Këtu ka një tërbim, por në të njëjtën kohë një frikë”, thotë ai.
“Në Himarë ka interesa ekonomike dhe nuk është zgjidhur çështja e pronave, këtu ka terrorizëm, ka frikë”. Qeveria greke “na mbështet, mbështet të dukshmen”, thekson Petro Beleri.
