Pas situatës në veri Britania ka transferuar komandën e Batalionit të Parë të Regjimentit Mbretëror të Princeshës së Uellsit në një forcë rezervë për Forcën e NATO-s në Kosovë (KFOR).
Në lidhje me këtë veprim ka reaguar kryetarja e Komisionit për Punë të Jashtme në Parlamentin e Britanisë së Madhe, Alicia Kearns e cila ka përshëndetur vendimin.
Kerns u shpreh se kjo është lëvizje mjaft me rëndësi në mënyrë që të mund të ofrojnë mbështetje Kosovës nëse kërkohet nevoja.
“Lëvizje e rëndësishme drejt parandalimit në Ballkan. Grant Shapps, Sekretari i ri i Mbrojtjes në Britani të Madhe konfirmon dislokimin e të gjithë Batalionit të Parë të Regjimentit Mbretëror të Princeshës së Uellsit në Kosovë nën komandën e NATO/KFOR-it. Mosndëshkimi ngjall përbuzje për sundimin e ligjit dhe rendit: frenoni, mbroni dhe mbani përgjegjësi”, tha Kearns në një postim në rrjetin social “X”.
