Pak minuta më parë për mes një postimi në llogarinë e tij në “Facebook”, kryetari i Këshillit kombëtar shqiptar, Nevzad Lutfiu ka ndarë një denoncim ku ka bërë të ditur se gjatë mbrëmjes së djeshme shtëpia e familjes Muharremi nga Medvegja është sulmuar me gurë.
Luftiu shkruan se në lidhje me këtë ngjarje ka folur dy herë me të dhunuarit dhe ka shprehur shqetësimin e familjes Muharremi në lidhje me aktin e rëndë.
Ai gjithashtu shtoi se ka njoftuar ambasadën e Shqipërisë më Beograd dhe përfaqësues të OSBE-së.
“Sot dy herë jam dëgjuar me pjesëtaret e familjes Muharremi nga Medvegja, që mbrëmë në drejtim të shtëpisë së tyre janë gjuajtur gurë dhe gjësende tjera.
Pjestarët e kësaj familjeje janë shumë të shqetësuar. E kam njoftuar ambasadën e Shqipërisë në Beograd dhe përfaqësuesit e OSBE lidhur me këtë sulm ndaj kësaj familjeje,” shkruan në Facebook Lutfiu.
