Ish-kryeministri Sali Berisha publikoi një video nga fjala e tij në Kuvend ku komentoi faktin se një gazetar i njohur gjerman e krahasonte Edi Ramën me ish-kryeministrin serb, Nikolla Pashiç.
“Rama, mbështetës i verbër i serbomadhisë cilësohet si Pashiqi i dytë i Serbisë!” shkruan Berisha.
“Edi Rama, nga dita që edhi në pushtet gjer në datën 25 shtator, u bë avokat kryeson i të gjitha projekteve të serbomadhisë. U bë po aq armik i shqiptarëve të Kosovës dhe kombit shqiptar sa vetë Aleksandër Vuçiç.
Edi Rama, pasi dështoi në projektin e copëtimit dhe ndarjes së Kosovës, si argat i Vuçiçit u angazhua me të gjithë potencialin e tij për projektin ruso-serb të Ballkanit të Hapur.
A ka argat më të shpifur më të shpërfytyruar se ky. A ka albanofob me të madh në historinë shqiptare se Edi Rama,” deklaron Berisha.
