Prokuroria e Tiranës po vijon hetimet për të zbardhur shkaqet e vdekjes së 3-vjeçarit Brian Spahiu në datë 1 Tetor. Fëmija ndërroi jetë në QSUT dy ditë pasi bëri një ndërhyrje tek një klinikë dentare private në pronësi të Roland Xhaxhos.
Familja akuzoi dhe kallëzoi klinikën, mjekun dhe vajzën e tij me pretendimin se i ka injektuar dozë të lartë narkoze. Raporti i ekspertizës paraprake thekson se “vdekja ka qenë e papritur nga shkaqe të panjohura më parë”. Por hetimet vazhdojnë. Vetë mjeku Xhaxho tha se fëmija kishte probleme në zemër, por familja e mohoi dhe kërkoi drejtësi.
