Emona Muçi është fituesja për vendin vakant të Gjykatës së Apelit në Këshillin e Lartë Gjyqësor. Nga 240 gjyqtarë në mbledhjen e sotme votuan 236 dhe Muçi mori 133 vota duke arritur që të fitojë garën për vendin vakant.
Për vendin vakant të anëtarit të KLGJ-së nga radhët e gjykatave të Shkallës së parë fituese është Gentiana Muçaj me 114 vota kundrejt 112 votave të Alma Kodraliut. Markeljan Koça nga Shkalla e Parë Administrative është shpallur fitues.
