SHBA ka dërguar ekspertë të shpëtimit të pengjeve për të këshilluar Forcat e Armatosura izraelite (IDF) për lirimin e 150 personave të rrëmbyer nga Hamasi gjatë sulmit të përgjakshëm. Shtetet e Bashkuara kanë dërguar këshilltarë nga komuniteti i inteligjencës për të mbështetur një ekip të operacioneve speciale amerikane të vendosur në ambasadën amerikane në Izrael.
Sekretari amerikan i Mbrojtjes Lloyd Austin konfirmoi të martën se Uashingtoni ka “njerëz në terren” që do të ndihmojnë autoritetet izraelite “me inteligjencë dhe planifikim” për operacionet e mundshme të shpëtimit të pengjeve.
Austin tha se Pentagoni ka një “ndërlidhës thelbësor” në Izrael që punon me forcat speciale izraelite. Ai deklaroi gjithashtu se SHBA- ja ka aftësinë të “dislokojë me shpejtësi burime të tjera në rajon”.
Dy njësitë kryesore kundër terrorizmit nën Komandën e Përbashkët të Operacioneve Speciale që kanë ndërmarrë historikisht misione të shpëtimit të pengjeve në mbarë botën janë Delta Force, e njohur zyrtarisht si 1st Special Forces Operation Detachment-Delta, dhe SEAL Team Six (Naval Special Warfare Development Group) e Marinës.
Ekipi i Gjashtë i SEAL është një grup elitar i Forcave të Armatosura të SHBA-së i rrethuar nga një sekret ekstrem. Veprimi i saj u bë më i njohur në vitin 2011 kur anëtarët e tij kryen misionin për të vrarë Osama Bin Laden në rezidencën e izoluar të Abbottabad në Pakistan.
