Sekretari Amerikan i Shtetit Antony Blinken po viziton Izraelin. Kryeministri izraelit Netanyahu falënderon Blinken dhe SHBA përpara se të krahasojë Hamasin me ISIS. “Biden kishte të drejtë duke e quajtur atë të keqe të plotë”, thotë Netanyahu.
“Hamasi do të trajtohet ashtu siç ishte ISIS. Kjo është një kohë që ne duhet të qëndrojmë të fortë, të bashkuar kundër së keqes” vazhdoi Netanyahu. “Ne po mbajmë një qëndrim. Amerika po merr një qëndrim” tha ai.
Blinken vlerësoi guximin e qytetarëve izraelitë. “Mesazhi që unë i sjell Izraelit është ky – ju mund të jeni mjaftueshëm të fortë për të mbrojtur veten tuaj, por për sa kohë që Amerika ekziston, ju nuk do të duhet ta bëni kurrë” tha ai.
“Kushdo që dëshiron paqe dhe drejtësi duhet të dënojë sundimin e terrorit të Hamasit” thotë Blinken. “Hamasi ka vetëm një axhendë, të shkatërrojë Izraelin dhe të vrasë hebrenjtë“. Megjithatë, ai paralajmëron se duhen marrë masa paraprake për të shmangur dëmtimin e civilëve të çdo kombësie.
