“Qytetarë të Izraelit, ne jemi në luftë”, deklaroi kryeministri izraelit Benjamin Netanyahu pas sulmit të paprecedentë të Hamasit të shtunën e kaluar, saktësisht 50 vjet pas Luftës së Yom Kipurit dhe rreziku i një zjarri të ri të përgjithshëm në Lindjen e Mesme i dukshëm.
Ndërsa ora ecte për një pushtim tokësor izraelit në Rripin e Gazës – shteti brenda shtetit të Hamasit në territoret e ndara palestineze – ministri i jashtëm i Iranit, Hossein Amir Abdollahian, dërgoi një mesazh të qartë paralajmërues.
E sidomos nga Bejruti, ku pati një takim me kreun e Hezbollahut, Hassan Nasrallah dhe kreun e qeverisë libaneze, Najib Mikati. “Amerika dëshiron të lejojë Izraelin të shkatërrojë Gazën dhe ky është një gabim serioz,” tha ai.
“Nëse amerikanët dëshirojnë të shmangin përhapjen e luftës në rajon, ata duhet të kontrollojnë Izraelin” tha ai.
Pozicioni i shteteve arabe konsiderohet i rëndësishëm, mes frikës së përgjithësimit të konflikteve, por edhe skenarëve se ato mund të luajnë një rol aktiv të nesërmen në Rripin e Gazës. Por më kritik është qëndrimi i Teheranit dhe “Boshtit të Rezistencës” të mbështetur prej tij.
Një rrjet organizatash dhe milicish, ato shtrihen nga Rripi i Gazës dhe me shtrirje territoret e pushtuara palestineze, deri në Liban – me Hezbollahun të shquar – Sirinë, Irakun dhe Jemenin.
Përhapja e krizës dhe një luftë me shumë fronte është zhvillimi që shmanget jo vetëm nga Izraeli, por mbi të gjitha nga aleati i tyre më i rëndësishëm.
