24-vjeçarja franko-izraelite Karin Journo punonjëse e aeroportit, e cila i pëlqente të udhëtonte, kishte mësuar se një grup miqsh të saj po planifikonin të merrnin pjesë në festivalin e tmerrit për të festuar largimin e njërit prej tyre për në Shtetet e Bashkuara.
Para se të shkonte në festival për të kërcyer, ajo shkrepi një foto të saj me veshje të përshtatshme për festën: pantallona të shkurtra të zeza dhe një bluzë të zezë për një natë të lumtur me muzikë elektronike në shkretëtirë.
Karin Journo e shijoi me gjithë zemër. Në një video nga nata fatale e festivalit, ajo shihet duke kërcyer, duke tundur krahët nën ritmet e forta të muzikës. Imazhet nga një video tjetër e tregojnë atë duke u fshehur pas një makine me një shoqe me shqetësimin e pikturuar në fytyrën e saj.
Në një video të fundit ajo mund të shihet e ulur pranë derës së hapur të një ambulance. Në orën 08:43 të mëngjesit të së shtunës së kaluar, 24-vjeçarja dërgoi, sipas babait të saj, Doron Journo, një mesazh të fundit për të dashurit e saj: “Të gjithë familjes, dua t’ju them se ju dua shumë. sepse nuk po kthehem në shtëpi”
Që atëherë, ankthi i familjes së saj ka qenë në kulm: “Që nga ai mesazh, ne nuk kemi dëgjuar asgjë [për fatin e saj]. Nuk e dimë nëse ajo ka vdekur, nëse është në Gaza. Ne nuk dimë asgjë”, tha babai i saj për Associated Press. “Vajza ime nuk ka shkuar në luftë. Ajo thjesht shkoi për të kërcyer”, shtoi ai.
