Ismail Morina, i njohur si “Ballisti” së fundmi ka bërë një gjest shumë të veçantë duke dhuruar bluzën që i dha Jasir Asani pas ndeshjes me Çekinë.
Morina vizitoi sot familjen e heroit Afrim Bunjaku, i cili u vra më 24 shtator pas një sulm të armatosur nga një grup terrorist serb, në Banjskë të Zveçanit.
“Ballisti” si dhuratë ua ka dërguar atyre fanellen e futbollistit të kombëtares së Shqipërisë.
“Kombëtarja shqiptare e futbollit djersitë fanellen e saj për gjithë kombin. Rroftë shpirti i shqiptarit!”, tha Morina.
Ballist Morina e ka shpërndarë lajmin në profilin e tij në “Instagram,” teksa shkruan:
“Vizitë familjes së heroit të kombit, Afrim Bunjaku. Faleminderit Jasir Asani për këtë orvajtje të përbashkët, je kampion në fushë të blertë dhe jashtë saj.
Kombëtarja shqiptare e futbollit djersitë fanellën e saj për gjithë kombin. Rroftë shpirti i shqiptarit!”
Linku i videos ku Ballist Morina dhe Jasir Asani ndërrojnë fanellat pas ndeshjes me Çekinë,” shkroi ai.
