Ditën e sotme Tirana pret liderët e BE në kuadër të samitit Procesit të Berlinit, i cili për herë të parë do të mbahet jashtë kufijve të unionit.
Në këtë ditë, kryeqyteti do të jetë i mbushur me një axhendë të ngjeshur deri në orën 19:30.
Gjatë pritjes nga kryeministri Rama të liderëve dhe përfaqësuesve europianë, ai që tërhoqi vëmendjen në tapetin e kuq ishte një diplomat që as këmba e thyer në allçi dhe me patericë, nuk e pengoi të vinte në samit.
Bëhet fjalë për diplomatin e lartë polak, Artur Lorkowski. 49-vjeçari ka qenë ambasador i Polonisë në Austri për katër vite dhe aktualisht shërben si drejtues i Sekretaratit të Komunitetit Energjitik.
