Ditën e sotme do të zhvillohet seanca e radhës plenare në Kuvend. Në rendin e ditës janë 14 pika duke nisur nga interpelanca me ministren e Kulturës, Elva Margariti, që është kërkuar nga deputetja demokrate Ina Zhupa.
Por gjithçka mund të përmbyset, pasi demokratët kanë paralajmëruar qëndresë në seancën plenare të së enjtes, pas rrëzimit që mazhoranca i bëri tre kërkesave të tyre për ngritjen e komisioneve hetimore, përbërjes së komisionit të reformës elektorale, si dhe përjashtimit të deputetëve nga punimet e Kuvendit.
Në këtë seancë rikthehet kryetari i grupit të PD-së Bardhi dhe deputetët e tjerë pas përjashtimit.
