Katër persona në Graçanicë kanë denoncuar dje në polici se teksa ishin në makinë në lëvizje, persona të panjohur nga një veturë tjetër po ashtu në lëvizje, kanë shtënë me armë zjarri në drejtim të tyre.
Policia e Kosovës ka njoftuar se si pasojë e gjuajtjes me armë është dëmtuar vetura. Rasti është denoncuar të enjten në orën 05:00 në stacionin e policisë në Graçanicë.
Përveç dëmeve materiale nuk ka persona të lënduar. Me urdhër të prokurorit të shtetit, rasti është hapur si tentim vrasje dhe përdorim i armës.
