Hapet për publikun Teatri i Universitetit të Arteve. Në inaugurim ishte vetë Edi Rama. Kryeministri tha se është bërë shumë punë për ta rikthyer në përmasën e vet ashtu sikur duhet. “Është amaneti i historisë së kësaj salle” u shpreh ai.
“Teatri i Universitetit të Arteve u hap për publikun, duke përmbyllur projektin e restaurimit të thellë dhe kthimit në identitet të krejt pjesës së korpusit të klasifikuar si monument i trashëgimisë kulturore, ku është punuar disa vjet bazuar në materialet arkivore, në bashkëpunim me restauratorët e Universitetit të Firences, e ku salla e teatrit ishte pjesa më e çmuar e më sfiduese për ekipet e përfshira në projekt” tha më tej Edi Rama.
