Avokati i Sali Berishës në gjyqin për dosjen e privatizimit të kompleksit “Partizani”, Genc Gjokutaj akuzoi SPAK-un për një proces të parregullt ligjor.
“Ky është një proces i parregullt, Berisha nuk ka marrë dijeni, ai nuk është pjesë e këtij procesi. Këtë ngërç duhet ta zgjidhin ata që e krijuan. Janë vendimet e njëanshme të atyre” tha ai, referuar SPAK-ut.
Dhëndri i Sali Berishës, Jamarbër Malltezi dhe biznesmeni Fatmir Bektashi ndodhen në Gjykatën e Posaçme në pritje të vendimit që u shty dy orë me kërkesë të avokatëve me pretendimin se nuk janë njohur me dosjen.
Në këtë dosje me masën detyrim paraqitje është edhe Sali Berisha, por që ka refuzuar të njihet me masën dhe të paraqitet për shkak se pretendon se është me imunitet që më parë, sipas tij duhet të hiqet nga parlamenti.
