Seanca e sotme e Kuvendit është kthyer në një arenë përplasjesh por kjo nuk e ka ndalur ish-kryeministrin, Sali Berisha të mbajë fjalën e tij duke bllokuar foltoren.
Berisha është futur live në Facebook ndërsa ka mbajtur fjalën e tij ndërsa deputetët e tjerë nuk lejohen të flasin.
Ish-kryeministri reagoi për dhunën e regjistruar të cilin e cilësoi një provokim për opozitën. Berisha më tej shtori se ata nuk do të ndalen dhe se beteja nuk ka të ndalur si dhe ata do të jenë aty.
“Siç e shihni, banda Rama ka vetëm një qëllim, të mbrojë Edi Ramën nga krimet e tij të shëmtuara, nga vjedhjet monstruoze, të mbrojë familjen e tij nga pasurimi i paligjshëm, të mbrojë lidhjet e tij me drogën, me Pëllumb Gjokat, me Luftar Hysat.
Të mbrojë vjedhjet e mëdha që u bën shqiptarëve, të mbrojë dhunimin e votës. Por Edi Ramës i ka ardhur fundi.
Opozita është e vendosur që këtë betejë në parlament të mbrojë me të gjithë forcën, gjer në sakrificë sublime, të drejtat e saj kushtetuese.
Ky është parlamenti i një bande, i kriminelëve, i hajdutëve, i atyre që nuk kanë ligj e as moral, nuk kanë kushtetutë. E kanë shndërruar parlamentin në një strofull trafikantësh, hajdutësh, në një strofull të mafies së tyre shtetërore.
Dëgjoni parlamentin, ky është parlamenti i Edi Ramës i cili funksionon si repart garde, dhe nuk funksionon më si institucion i deputetëve.
Turp, turp e një mijë herë turp. Një histori turpi, histori horrash.
Asgjë nuk do të mund të kaloni. Ta dini të qartë se beteja jonë nuk ka të ndalur. Këtu do të jemi”, tha Berisha.
