Sot pritet të dalin para gjykatës themelore në Pejë tri infermieret që dyshohen se kanë keqtrajtuar të moshuarën në një azil në Pejë.
Prokuroria ka ngritur aktakuzë ndaj tri të pandehurave se me dashje dhe në bashkëpunim kanë përdorur forcë ndaj të moshuarës.
Më 2 nëntor të vitit 2022, një video është publikuar në rrjetet sociale duke ushtruar dhunë ndaj një të moshuare në shtëpinë e pleqve “Orenda”, në Pejë.
“Kuku,” bërtet një e moshuar e cila është zënë nga një vajzë që nga veshja dukej se ishte punonjëse e institucionit për të moshuar.
E reja pamëshirshëm vazhdonte ta godiste në videon e shfaqur.
“Çka po sillka more,” thotë një tjetër vajzë që xhironte dhunën që po ushtrohej brutalisht.
“Pak jom t’u ia hi, qysh di me sill unë, pak jom t’u ia hi,” inkurajohet dhunuesja tashmë e arrestuar nga policia e Kosovës për sulm fizik.
