Pas ngjarjes së djeshme ku një qen i racës Pitbull sulmoi dhe i këputi veshin një të moshuari në lagjen 13 në Durrës, ku dhe ai banon, ditën e sotme është identifikuar dhe vendosur në pranga pronari i tij.
Ngjarja ka ndodhur rreth orës 13:30 ku qeni ka dalë nga rrethimi i banesës së Armand Lalës dhe ka sulmuar e kafshuar fqinjin e tij, 84 vjeçarin Halil Basha.
Aktualisht i moshuari ndodhet në spital dhe po merr mjekim pasi si pasojw e kafshimit ka plagë të rënda në trup dhe kokë ku i ka këputur edhe veshin.
Policia ka vënë në pranga pronarin e qenit, qytetarin Armand Lala, dhe e ka shoqëruar atë për veprën penale “Braktisja e kafshës të shoqërimit”.
I arrestuari është shprehur se ka qenë në punë momentin që ka ndodhur ngjarja dhe i vjen keq për atë çfarë i ka ndodhur fqinjit të tij.
