Deputeti shqiptar në Kuvendin e Serbisë, Shaip Kamberi shprehet se mosnjohja e krimeve të luftës dhe mos shkëputja e raporteve me Rusinë, e kanë kthyer presidentin serb, Aleksandar Vuçiç në origjinën e tij. Sipas Kamberit, origjina e Vuçiçit është Vojsllav Shesheli, lideri i partisë djathtiste në Serbi, Partisë Radikale Serbe.
“E tash Vuçiç prej 2012 kur ka ardh në pushtet me një premtim se do ta qojë Serbinë drejt BE-së, se do të jetë ai që do të bëjë marrëveshje me Kosovën, në dy vitet e fundit, faktikisht ai është kthyer në origjinë.
Me politikën anti-shqiptare, anti-Kosovës që e ka udhëheq, me parullat, me banderollat, me gjithë atë politikë kundër Kosovës, Vuçiç është kthyer në origjinën e vet, dhe këtu është te Shesheli… mosnjohja e krimeve të luftës, mosshkëputja e raporteve me Rusinë, është një Vuçiç i cili është në origjinën e vet”, deklaroi ai në “Këndi i Debatit” në Tëvë 1.
Serbia fshin nga lista e votimit mbi 3 mijë shqiptarë të Luginës së Preshevës
